Minsan ang pangarap ay parang pagmamahal,
Nag-aalab na puso ang apoy kay hirap matanggal,
Pangarap na kay hirap abutin pag nahawaka'y biglang mawawala,
Dasal at luha tila hindi naman gumagana.
Minsan ang pag-ibig ay parang pangarap,
Inakalang kay daling marating makukulay na ulap,
Pag-ibig na abot-kamay tila bulang nag- lalaho,
Ang dating masaya nating mundo tila'y gumuguho.
