Vote wisely.
Pero paano nga ba ito magagawa?
Sa pag boto, alamin mo ang kandidato sa sarili mo mismo. Hindi yung nuod lang ng nuod ng TV at puro social media lang ang papaniwalaan mo. Kase sa TV may bayad ang mga iyan, kaya malamang magaganda lang ang makikita mong ginagawa nila, kahit naman sino pag nasa harap ng camera akala mo lahat mabuti. Huwag din puro social media, kase yung iba dyan imbento lang.
Sa mga kabataan na tulad ko na hindi na din umabot sa Martial law. Kung gusto mo talaga mag siyasat sa mga nangyari noon, huwag ka sa TV o sa social media mag hanap ng kasagutan.
Mag tanong ka kay manong driver na medyo may edad na, yung umabot pa noong martial law, o kaya dun kay lola sa may tindahan na pinag bibilhan mo ng coke, para malaman mo ang totoong nangyari at dun mo malalaman kung bakit iba ang kwento nila sa mga napag-aralan natin sa libro. Bakit hindi tugma ang mga sinasabi nila sa ibinabalita at ipinapakita sa TV. Bakit sa bibig mismo nila nang gagaling na mas mapayapa pa ang bansa noong Martial law. Bakit mas maunlad noon kesa ngayon.
Ikaw mismo ang mag tanong at mag hanap ng kasagutan.
Huwag ka maniwala sa napapanuod mo sa TV dahil malamang bayad yan.
Huwag din basta maniwala sa social media agad dahil malay mo kamag-anak nila yan. Mas maniwala ka dun sa ordinaryong tao na mag sasabi sayo mismo ng karanasan nila. Yung alam mong hindi sila binayaran at hindi rin kamag-anak.
Ngayon naman sasabihin mo "change is coming"...
Sa totoo lang, kahit sino pa ang maging presidente natin kung sa araw-araw naman na ginawa ng Diyos eh gagawin mong park yung kalsada nyo, mag-lalakad ka kasama ng aso mo para doon mo ito padumihin, kahit sinong presidente hindi malilinis ang bansa natin. Ang pag babago nag sisimula dapat sa sarili.
Kung sa tuwing sasapit ang tag-ulan lagi mo nalang sasabihin "baha nanaman sa Espana", ang totoo, kahit ilang beses tayo mag-palit ng presidente, kung lahat naman ng dumadaan sa Espana ay mag tatapon ng balat ng candy o kaya ng plastic bottle sa mismong kalsada o kaya sa mga canal... walang sinong presidente ang makakapag- ahon ng Espana sa baha.
Ang pag babago ay nag sisimula hindi lang sa presidente, ito ay dapat mag simula sa lahat ng Filipino.
Gumising ka Juan Dela Cruz, huwag mong hintayin na lumabas muli ang katauhan ni Simoun kay Crisostomo Ibarra.